Манас айыл аймагынын тазалыгын камсыздоо, айлана-чөйрөнү, эс алуу парктарын, жол жээктерин, ирригациялык лотокторду таштандылардан арылтуу боюнча кезектеги жыйын болуп өттү. Жыйынга айыл өкмөт башчысы Аскарбек Рустамов, аппарат кызматкерлери, дин кызматкерлери жана муниципалдык ишканалардын жетекчилери катышты. Жыйында аймакты таза кармоо, жашыл зонаны сактоо, экология көйгөйлөрүн алдын алуу баарынан маанилүү экени белгиленип, тиешелүү тармактар боюнча тапшырмалар берилди.

Манас айыл өкмөтүнүн социалдык кызматкерлери тартип сакчылары менен биргеликте зордук-зомбулукту алдын алуу боюнча кезектеги бирдиктүү иш күнүн уюштурду. Иш-чаранын жүрүшүндө балдардын, өспүрүмдөрдүн, кыз-келиндердин, дегеле үй-бүлө бүтүндүгү коомдо чоң мааниге ээ экендиги боюнча түшүндүрү иштери жүргүзүлдү. Ошондой эле социалдык абалы оор үй-бүлөдө жашаган, ата-энеси миграцияда жүргөн балдардан, мүмкүнчүлүгү чектелүү жарандардан кабар алып, ал-абалын сурап кайтышты.

31-август – Кыргыз Республикасынын Эгемендүүлүк күнүнө жана Кара-Суу районунун 90 жылдык мааракесине карата даярдык көрүү максатында, 16-август күнү Манас айыл аймагындагы бардык мекеме-ишканалардын катышуусу менен жалпы ишембилик өткөрүлдү. Ишембиликтин алкагында белгиленген жол тилкелерин, көчөлөрдү, парктарды таштандылардан тазалоо, ашыкча оттоо чөптөрдөн арылтуу жана актоо-сырдоо иштери аткарылды.

Бүгүн, 16-август күнү Манас айыл аймагына караштуу ВЛКСМ айылындагы “сброс бетон” каналынын корук зонасын иретке келтирүү боюнча рейд жүрдү. Жыйынтыгында канал жээгине мыйзамсыз курулган объекттер аныкталып, курулуш ээлеринин өз эсебинен буздуруу боюнча тапшырмалар берилди. Рейд андан ары Тажик-Абад айылында уланып, кызыл сызыктан чыгып кеткен курулуштарды аныктоо менен бирге көчөлөрдүн тазалыгы көзөмөлдөндү. Рейддер мындан ары да

14-август күнү Манас айыл аймагындагы Саип каналынын корук зонасын иретке келтирүү боюнча таңкы рейд уюштурулду. Рейддин алкагында, канал жээгине курулган мыйзамсыз курулуштар аныкталып, курулуш ээлеринин өз эсебинен буздурулушу боюнча тапшырмалар берилди. Рейддер мындан ары да уланмакчы.               

Манас айыл өкмөтүнүн сайты ачылды